Jeorjia Masho është e diplomuar në Teknikë të Lartë në Laboratorë Mjekësorë dhe ka një formim të mirë teorik dhe praktik në kryerjen e analizave laboratorike. Ajo është pjesë e ekipit të TAFAJ Microbiology Laboratory, ku kontribuon me përkushtim, saktësi dhe përgjegjshmëri në punën e përditshme. E motivuar për të mësuar dhe për t’u zhvilluar vazhdimisht, Jeorjia synon të zgjerojë njohuritë dhe aftësitë e saj profesionale, duke u përkushtuar në ofrimin e një pune cilësore dhe të besueshme.

Brisida Prendi është specialiste e Teknikës së Lartë në Laboratorët Mjekësorë, me diplomë Bachelor dhe Master dhe mbi 25 vite përvojë në laboratorin mjekësor diagnostik. E rritur në një familje me traditë në mikrobiologji, si vajza e mikrobiologut të shquar shqiptar Dr. Bardhyl Beqo, ajo e ka këtë profesion si pjesë të pandashme të formimit të saj. Me një përvojë të gjerë dhe ekspertizë të veçantë në mikrobiologjinë klinike, Brisida dallohet për përkushtimin ndaj punës, saktësinë, cilësinë e lartë dhe profesionalizmin në çdo aspekt të aktivitetit të saj.

Prof. Asoc. Dr. Silva Tafaj është mjeke mikrobiologe me mbi 25 vite përvojë në mikrobiologjinë klinike dhe diagnostikën laboratorike. Ajo është themeluese dhe drejtuese e TAFAJ Microbiology Laboratory, si dhe Shefe e Laboratorit Kombëtar të Referencës për Tuberkulozin pranë QSRT “Shefqet Ndroqi”. Prej vitit 2024 mban titullin Profesor i Asociuar në Mikrobiologji Klinike pranë Universitetit të Mjekësisë, Tiranë, ku ka kontribuar edhe si lektore e ftuar në Mikrobiologji Klinike. Me një formim të avancuar akademik, që përfshin specializimin dhe Masterin në Mikrobiologji, si dhe Doktoraturën në Shkenca Mjekësore, Prof. Tafaj ka ndërtuar një karrierë të fokusuar veçanërisht në tuberkulozin, diagnostikën molekulare, rezistencën antimikrobike dhe mikrobiologjinë klinike. Ekspertiza e saj është zhvilluar përmes bashkëpunimeve dhe trajnimeve të shumta në qendra universitare dhe laboratorike në Evropë, si dhe përmes pjesëmarrjes në projekte kërkimore ndërkombëtare. Prof. Tafaj është e përfshirë në kërkimin shkencor dhe në projekte ndërkombëtare që synojnë përmirësimin e diagnostikës së infeksioneve dhe përballimin e rezistencës ndaj antibiotikëve. Ajo është kryetare e Komitetit Kombëtar për Testimin e Ndjeshmërisë Antimikrobike (EUCAST), përfaqësuese kombëtare në Komitetin e Përgjithshëm të EUCAST dhe ka qenë pjesë e grupeve të ekspertëve dhe strukturave ndërkombëtare në fushën e tuberkulozit dhe rezistencës antimikrobike. Me dhjetëra publikime shkencore në revista ndërkombëtare dhe qindra citime në platformat akademike, veprimtaria e saj shkencore pasqyron një angazhim të vazhdueshëm për zhvillimin e mikrobiologjisë klinike dhe për avancimin e diagnostikës laboratorike në Shqipëri dhe më gjerë. Në TAFAJ Microbiology Laboratory, Prof. Tafaj sjell përvojën e saj klinike, akademike dhe kërkimore, duke e vendosur saktësinë diagnostike, standardet bashkëkohore dhe besueshmërinë profesionale në qendër të çdo shërbimi laboratorik. Scopus Author ID: https://www.scopus.com/authid/detail.uri?authorId=23490569300 ORCID: https://orcid.org/0000-0003-3777-0095 Web of Science Researcher ID: K-2897-2019 Silva_Tafaj_CV_Shqip